ကမ္ဘာလုံးပွဲ/ ကွဲ
ခရမ်းပြာထက်လူ
ကိစ္စများမြောင် လူတို့ဘောင်မှာ
ဘောင်တွေ ထွက်ပြေးသွားကြတယ်
စည်းတွေ ရေတိုက်စားသွားကြတယ်
မတော်တဆတွေ အဆပေါင်းများစွာနဲ့
တည်ထွင်မှုတွေ ထွက်ပြေးသွားကြ
မတော်တဆတွေ အဆပေါင်းများစွာနဲ့
ဖျက်ဆီးမှုတွေ ပြေးဝင်လာကြ
တရားက လူကိုရှာနေပြီး
လူက ပြဿနာကို ရှာနေတယ်၊
ဒီကွင်းထဲမှာပဲ
ငါတို့အသင်းပြောင်းလို့မရ၊
ကားဘီးအောက်က
နားထင်ဆီပြေးဝင်လာတဲ့ လိပ်သည်းကျောက်လေး
တဖြည်းဖြည်း/ ကြီးလာတယ်
ကာဗွန်လျော့ချရေး
နျူကလီးယားလျော့ချရေး
သဘာဝပတ်ဝန်းကျင်ထိန်းသိမ်းရေး
လူမှောင်ခိုပပျောက်ရေး
ငလျင်လှုပ်မယ်။
ရေကြီးမယ်။
မိုးခေါင်မယ်။
မုန်တိုင်းတိုက်မယ်။
ကမ္ဘာပျက်မယ်။
အသင်းပြောင်းလို့မရ။
ငါတို့ဆုတောင်းမယ်။
ခရမ်းပြာထက်လူ
မြန်မာသစ် ရသစုံမဂ္ဂဇင်း
အမှတ်- ၁၄၊ ဇွန်လ၊ ၂၀၁၀။
No comments:
Post a Comment