လွန်ခဲ့သည့် နာရီပိုင်းအတွင်းက မြန်မာစစ်အစိုးရကို စွန့်ခွာပြီး အမေရိကန်ပြည်တွင် နိုင်ငံရေး ခိုလှုံခွင့် လျှောက်ထားသူ ဒုသံမှူး ဦးကျော်ဝင်းက နိုင်ငံခြားရေးဝန်ကြီး ကလင်တန်ထံ တိုက်ရိုက်စာရေးသားပေးပို့သည်ဟု ယုံကြည်စိတ်ချရသည့်သတင်းရင်းမြစ်တခုက ထုတ်ဖော်ပြောဆိုသည်။
အဆိုပါ ပေးစာတွင် ၎င်းက ထုတ်ဖော်ပြောဆိုရာတွင် မြန်မာစစ်အစိုးရကိုယ်စား အမေရိကန် သံတမန် လောက၊ အစိုးရမဟုတ်သော အသိုင်းအ၀ိုင်း၊ နိုင်ငံရေးလောကနှင့် အသိုင်းအ၀ိုင်းများကို ထိတွေ့ဆက်ဆံမှုများ ပြုလုပ်ခဲ့သူတဦးအဖြစ် တာဝန်ယူခဲ့သူ ဖြစ်ကြောင်း၊ အမေရိကန်နှင့် ဆက်ဆံရေးကောင်းမွန်စေရန် မိမိ၏ အကြံပြုချက်များကို နေပြည်တော်အစိုးရက အစဉ်တစိုက် ပယ်ချခဲ့ကြောင်း၊ မိမိယခု မြန်မာစစ်အစိုးရကို စွန့်ခွာရခြင်းမှာ မြန်မာပြည်သူများအပေါ် ကျောခိုင်းခြင်းမဟုတ်ကြောင်း ထုတ်ဖော်ရေးသားထားသည်။
အမေရိကန်၏ စစ်အစိုးရအပေါ် ပိတ်ဆို့အရေးယူမှုများကို ထောက်ခံကြောင်း၊ ကုလသမဂ္ဂကိုယ်တိုင်က မြန်မာစစ် အစိုးရ၏ လူ့အခွင့်အရေးချိူးဖော်မှုများ၊ ရာဇ၀တ်မှုများကို ဖော်ထုတ်စစ်ဆေး အရေးယူခြင်းကို အမေရိကန်က ထောက်ခံ ဆောင်ရွက်စေလိုကြောင်း၊ စစ်အစိုးရထောက်ခံသူ စီးပွားရေးသမားများ၊ အလိုတော်ရိများ ကိုပါ ဆက်လက် ပိတ်ဆို့ အရေးယူစေလိုကြောင်း တိုက်တွန်းရေးသားထားသည်ကို တွေ့ရသည်။
No comments:
Post a Comment