မန္တလေးဂေဇက်က ပဒုမ္မာတင်ထားတဲ့ အကြံတောင်းစာလေးကို ယူပြီး တင်ပေးလိုက်ပါတယ်။ ဗမာနိုင်ငံမှာ ကျောင်းမထားနိုင်လို့ ပညာရေး တဝက်တပျက်နဲ့ ကျောင်းထွက်ခဲ့ရတဲ့ ကလေးသူငယ်တွေ အနယ်နယ်အရပ်ရပ်မှာ အများအပြားရှိနေပါတယ်။ မိသားစု ဝင်ငွေရဖို့အတွက် (ထမင်းနပ်မှန်ဖို့အတွက်) ရရာအလုပ်ကို လုပ်နေကြရတဲ့ ပညာသင်ရွယ် ကလေးသူငယ်တွေ အများကြီးပါပဲ။ အဲဒီ ကလေးသူငယ်တွေဟာ ရှေ့ဆက်ရမယ့် နာဂါတ်ခရီးက မကောင်းမွန်တဲ့အပြင် ပျက်စီးဆုံးရှုံးဖို့သာ ဦးတည် ရွှေ့လျားနေပါတယ်။ ပညာသင်ရွယ် မိန်းကလေးများ ဖားကန့် စတဲ့ ပိုက်ဆံပေါတဲ့ နေရာတွေမှာ ခန္ဓာကိုယ်ရောင်းပြီး ဝင်ငွေရှာနေကြရတာလည်း အများအပြားပါပဲ။ ဒါတွေက လူကုန်ကူးမှုတွေ့နဲ့လည်း ပတ်သက်နေပါတယ်။ ဗမာပြည်သားတွေတော့ တပျက်ပျက်နဲ့ သွေးထွက်နေကြရတာ အခုထိ မရပ်ဆိုင်းသေးပါဘူး။
၁၄ နှစ်သမီးကျောင်းသူလေး တစ်ယောက်အကြောင်း ရွာသူရွာသားတွေကို ပြောပြချင်ပါတယ်။ သူကလေးက ၇ တန်းအောင် ၈ တန်းတက်ရမှာပါ။ ကျောင်းပိတ်ရက် အထည်ချုပ်စက်ရုံမှာ ချည်မွေးညှပ် ၀င်လုပ်ပါတယ်။ လစာ ၄၅၀၀၀ ရပါတယ်။ ဒီလဆန်းမှာ ကျောင်းပြန်တက်ဖို့ ထွက်သွားရာက လလယ်မှာ အင်တာဗျူး ပြန်လာဝင်ပါတယ်။ ကျောင်းတက်ဖို့ စုထားတဲ့ လခကို အိမ်လခ ပေးလိုက်ရပါတယ်။ (အိမ်လခက ၄၀၀၀၀ပါ၊ မရမ်းကုန်းမှာပါ) အမေက လေးဘက်နာ နှလုံးရောဂါသည်။ အဖေနဲ့ အမေက ကွဲနေပါသတဲ့၊ အစ်မအကြီးဆုံးက ၅ တန်းထဲက ကျောင်းထွက်ပြီး အခု ၀က်သားတုတ်ထိုး လမ်းဘေးမှာ ရောင်းရပါတယ်။ ဒီတလောမှာ ၀က်နားရွက် ပြာနေတော့ အမဲသား တုတ်ထိုးပေါ့။ အစ်မကလည်း အပျိုလေးဆိုတော့ ဈေးရောင်းရတာ ရှက်ပါတယ်တဲ့။ အစ်မလတ်က ၁၀ တန်းကျတော့ ဒီနှစ် အပြင်က ကျူရှင်တက် ဖြေမယ်တဲ့။ မောင်လေးက ၅ တန်းပါ။ အဖွားပါ မိသားစု ၆ ယောက်မှာ အစ်မကြီးလုပ်စာနဲ့ ဒီသမီးလေး ကျောင်းပိတ်ရက် လုပ်အားခနဲ့ စားနေရပါတယ်။
အခု လမ်းဘေး ဈေးမရောင်းရဆိုတော့ အမေက သူ့ကို ကျောင်းမနေခိုင်းတော့ဘဲ စက်ရုံမှာ ပြန်လုပ်ခိုင်း နေပါတယ်။ သမီးကျောင်းနေချင်လားဆိုတော့ နေချင်ပါတယ်တဲ့။ တစ်ခါမှစာမေးပွဲ မကျဘူးတဲ့ အပြင် ၁- ၁၀ ၀င်ပါတယ်တဲ့။ ကလေးက မျက်ရည်ဖြိုင်ဖြိုင် ကျရှာတယ်။ ဒါနဲ့ စက်ရုံ ပိုင်ရှင်က သမီးကျောင်းစားရိတ် ထောက်ပေးမယ်။ တ၀က်တပျက်နဲ့တော့ ကျောင်းပြန်ထုတ်ပီး ခိုင်းမစားအောင် သမီးအမေကို ခေါ်လာခဲ့ ဆိုတာ ပြန်မပေါ်လာတော့ပါဘူး။ ကြည့်ရတာ ဒီကလေးကို မခိုင်းရရင် သူတို့ မရပ်တည်နိုင်တော့ဘူး ထင်ပါရဲ့။ ဒီလိုကလေးမျိုးကို ဘယ်လိုကူရပါ့။ ဒီလို ကလေးမျိုးကော ဘယ်လောက်များနေပြီလဲ၊ အကြံပေးကြပါအုံး။ (မိန်းကလေး အပျိုပေါက်လေး ဆိုတော့ သူ့ဓာတ်ပုံတော့ မတင်တော့ပါဘူး)
No comments:
Post a Comment