မန္တလေးဂေဇက် ဝက်ဘ်ဆိုက်တခုတွင် မြောက်ဦးမြို့ ရှေးဟောင်းဘုရားဆင်တုတော်များကို နေပြည် တော် (ကြပ်ပြေး) သို့ သယ်ဆောင်မှု ပတ်သက်ပြီး လင်းဝေကျော်ဟူသည့် ကျွန်သဘောက်တဦး ရေးသားထားမှု ကို တုံ့ပြန်ရေးသားလိုက်သည်။
မြောက်ဦးမြို့ ရှေးဟောင်း ဘုရားဆင်းတုတော်များကို နေပြည်တော်သို့ သယ်ယူမည် အစီအစဉ်အား ရခိုင့်ယဉ်ကျေးမှုကို တန်ဘိုးထား လေးစားမြတ်နိုးကြသည့် ရခိုင်အမျိုးသားများက ကန့်ကွက်ခဲ့ကြ ခြင်းကို လူမျိုးရေး၊ ဘာသာရေး ပဋိပက္ခဖြစ်အောင် တမင်ဖန်တီးခြင်းဟု ထိုကျွန်သဘောက်မှ ရိုးစွပ် ခဲ့သည်။ တဖန် ရွှေဟုထင်ရသော ရှေးဟောင်းဘုရား ဆင်းထုတော်များကို ဘာမျှ ဟုတ်ဟုတ်ငြားငြား စစ်ဆေးခြင်း မပြုဘဲ ရွှေရည်စိမ်ထားသော ကြေးဆင်းထုများသာ ဖြစ်သည်ဟု လျှာရိုးမရှိတိုင်း ပြောပြန်သည်။ မဟာမြတ်မုနိဘုရား၏ ဝမ်းဗိုက်တော်ကိုဖောက် ရွှေတိဂုံစေတီ၏ ဘုရားရွှေကိုပင် ခွာဝံ့သည့် သူခိုးဂျပိုးများ၏ ရွှေမဟုတ်ဟူသော ပြောစကားကို မည်သူက မည်သို့ ယုံရမည်နည်း။ ဘုရားရွှေများ ခိုးယူပြီး ရခိုင်များအား လိမ်ညာလှည့်ဖျားရန် ဂွင်ဆင်ခြင်းသာ ဖြစ်ပေသည်။ ရွှေများကို ခိုးယူပြီး အတုအပများနှင့် ပြုလုပ်လျှင်တော့ သီးခံနိုင်စရာ အကြောင်း လျဉ်းမရှိ။ နေပြည်တော် (ကြပ်ပြေး) သို့ သယ်ယူခိုင်းခြင်းမှာ ကျွမ်းကျင်ပညာရှင်များနှင့် သုတေသန ပြုလုပ်ရန်ဟု ဆိုပြန်သည်။ ထန်းညက်ကို အမျိုးချန်ထားကြရန် မိန့်ကြားသည့် ကျွမ်းကျင်ပညာရှင်များ ထွန်းကားသည့်အချိန် ကျွမ်းကျင်ပညာ ဆိုသူများ၏ မျက်ခွက်များအား ဖိနှောက်နှင့် ပေါက်ဖို့ကောင်းသည်။ စစ်အုပ်စု တစုလုံး သူခိုးဂျပိုးနှင့် အလိုတူအလိုပါများသာ ဖြစ်သည်။
တုံ့ပြန်ရလျှင်မူ ရခိုင်ဘုရားဆင်းထုအား မည်သည့်အကြောင်းကြောင့်မျှ တခြားဒေသသို့ ဒေသခံ ရခိုင်အမျိုးသား တို့၏ ဆန္ဒမပါဘဲ လုံးဝသယ်ယူခွင့်မရှိ။ ဤဆင်းတုများနှင့် ပစ္စည်းများသည် ရခိုင် အမျိုးသား အစဉ်ဆက်၏ အမွေအနှစ်ဖြစ်သည်၊ ယဉ်ကျေးမှုလက္ခဏာဖြစ်သည်။ မြန်မာ၊ ရှမ်း၊ မွန်စသဖြင့် အခြားတိုင်းရင်းသားတို့နှင့် လုံးလုံး မသက်ဆိုင်ပါ။ ထိုသို့ လုံးလုံး မသက်ဆိုင်သည့် အတွက်ကြောင့်ပင် မည်သည့်အကြောင်းကြောင့်မျှ သယ်ယူခွင့် မရှိ၊ ပင့်ဆောင်ခွင့်မရှိဟု ဆိုခြင်းဖြစ် သည်။ ရခိုင့်ယဉ်ကျေးမှုနှင့် ရခိုင့်အမွေကို မည်သည့် လူမျိုးက ရခိုင်လောက် တန်ဘိုးထား မြတ်နိုး ကြမည်လည်း မဟုတ်ပေ။
ထိုရှေးဟောင်းဘုရားများနှင့် ရှေးဟောင်းပစ္စည်းများကို ရွှေသော်လည်းကောင်း၊ ငွေသော်လည်း ကောင်း၊ ကြေးသော်လည်းကောင်း၊ ကျောက်သော်လည်းကောင်း၊ အုတ်သော်လည်းကောင်း မည်သည့် သတ္တု အမျိုးအစားများ ဖြစ်စေကာမူ မည်သည့်အကြောင်းကြောင့်မျှ သယ်ယူခွင့်မရှိပါ။ အကယ်၍ စေတနာ ရှိလွန်း၍ သုတေသန ပြုလုပ်ချင်လျှင်မူ ရခိုင်သို့ လာပြီး သုတေသနပြုလုပ်ပါ။ နောက်ပြီး အထက်ပါ လင်းဝေကျော် ပြောခဲ့သလို ကျွမ်းကျင်ပညာရှင် ဟူသည်မှာ လူရယ်စရာပင် ဖြစ်ပေလိမ့် မည်။ သုတေသနဌာန၏ လုပ်ထုံးလုပ်နည်းဟူသည်မှာလည်း ငို့ဘသမားအတွက် စီရင်ထားခြင်းသာ ဖြစ်၍ ထိုလုပ်ထုံးလုပ်နည်းဟူသည်မှာ အသုံးကျလှသည် မဟုတ်ပါ။ အပိုင်သိမ်းရန်အတွက် အကြောင်း ပြချက် များသာ ဖြစ်ချေသည်။
အမှန်တကယ်တွင် ရခိုင် မြန်မာဆက်ဆံရေးသည် နှစ်ပေါင်း ရာ၊ ထောင်ကတည်း ရှိပြီးဖြစ်သည်။ မြန်မာ မင်းကောင်းမင်းမြတ်များကို လက်ဆောင်ပဏ္ဏာများ ဆက်သခြင်း၊ တဖြင့်လည်း မြန်မာမင်းများ က ရခိုင်မင်းကောင်းမင်းမြတ်များကို လက်ဆောင်ပဏ္ဏာများ ဆက်သခြင်း စသဖြင့် ရှိခဲ့ဖူးပြီး ဖြစ်သည်။ ရခိုင်နှင့် မြန်မာသည် လူမျိုးရေးအရ ဆက်ဆံရေးအရ အစဉ်အမြဲ ကောင်းမွန်ခဲ့သည့်အတွက် ဘာမျှ ပြောစရာမရှိပါ။ ယခုမပေးလိုသည် မသူတော် မိစ္ဆာ သံဃာသတ် စစ်အာဏာရှင်များ ဖြစ်နေသည့် အတွက် မပေးခြင်းမျှသာဖြစ်သည်။ ထိုသို့သော မသူတော်များကို ရွှေဆင်းတုကို မဆိုထားနှင့် မြေစေးဆင်းတုအားလည်း ပေးရန် မလိုလားပေး၊ ပေးရန် အကြောင်းလည်း မရှိပေ။ ဤသဘောထား ကို စစ်အာဏာရှင်းရော ကျွန်သဘော ထောက်တိုင်များကပါ ရှင်းလင်းစွာ၊ စွဲမြဲစွာ၊ သေချာစွာ၊ ဃနစွာ မှတ်သားထားကြပါ။
မည့်သည့်တိုင်းရင်းသားကမျှ မိအေးနှစ်ခါ မနာချင်ကြပါ။ သို့သော်လည်း လူမှန်နေရာမှန် မဟုတ်သော ကာလတွင် ဗမာနိုင်ငံသားများအားလုံး မိအေးဆယ်ခါမက နာနေကြရသည်။ ရခိုင်မှ မဟုတ်၊ တိုင်းရင်း သား လူမျိုးများ၏ ယဉ်ကျေးမှုနှင့်၊ အမွေအနှစ်တို့ကို မှန်တကယ် လေးစား တန်ဘိုးထား တတ်လျှင် ထိုထို သက်ဆိုင်ရာ အမျိုးသားများ အလိုမတူဘဲ မထိပါနှင့်၊ မတို့ပါနှင့်။ ထိုသို့ မဟုတ်ဘဲ ထိခြင်း၊ တို့ခြင်းသည် ရန်စခြင်း၊ ကလိခြင်းဟု မှတ်ယူရန်ရှိသည်။ (ဥပမာ) ရှမ်းတိုင်းရင်းသားများ၏ ယဉ်ကျေးမှု စသည် တို့ကို အလိုမတူဘဲ မည်သည့် လူမျိုးကမှ မထိမတို့ကြဘို့ သတိထားကြရမည်။
ဗမာနိုင်ငံအတွင်း နေထိုင်ကြသည် လူမျိုးအားလုံးသည် ဆတ်ဆတ်ထိမခံ၊ အမျိုးသားရေးနှင့် ပတ်သက် လာလျှင် အသက်ပင်သေသေဟု သဘောထားကြသူများချည်းဖြစ်သည်။ ထိုသို့ စိတ်ထားနှင့် ယခုအခြေအနေတွင် တလွဲဆံကောင်းလိုက်မိလျှင် သွေးထွက်သံယိုမှုများနှင့် ရဆိုင်ကြရပေလိမ့်မယ်။ ရှေ့ဆက်ပြီး စုစုစည်းစည်း တယောက်အား တယောက်၊ တမျိုးအား တမျိုးက ဖေးဖေးမမ၊ ကူကူညီညီ ဆင်လက်နေထိုင်နိုင်ရေးအတွက် အမျိုးသားရေး မာန်မာနကို မထိပါးပါနှင့်၊ မစော်ကားပါနှင့်။ အားလုံး ခန္တီတရားကို အစဉ်အမြဲထားပြီး ချစ်ချင်ခင်ခင်၊ ရွှင်ရွှင်ပျော်ပျော် နေထိုင်နေနိုင်ကြရန် သတိကြီးစွား ထားကြပါဟု အထက်ပါ ရခိုင့်ရှေးဟောင်းဆင်းတုများနှင့် စပ်ဟပ်၍ သတိပေးလိုက်ပါသည်။ အဆက်တည်း ဝေလင်းကျော်အား သက်တမ်းပြည့်နေလိုလျှင် ယခုလို မထိတထိ လာမစပါနှင့်ဟု ပြောလိုသည်။
နွေ
No comments:
Post a Comment