ဧရာဝတီတိုင်း၊ မြန်အောင်မြို့နယ် ရဲတပ်ဖွဲ့စခန်းမှ ရဲအရာရှိ တဦးက စားသောက်ဆိုင်တခုမှာ အလုပ်လုပ်တဲ့ မိန်းမပျို တဦးကို အတင်းအဓမ္မ သားမယားအဖြစ် ပြုကျင့်ခဲ့တဲ့ အဖြစ်အပျက်တခုပါ။ ၁၂၊ ၈၊ ၂ဝ၁ဝ။ နေ့ ညပိုင်း (၇) နာရီလောက်မှာ မြန်အောင်မြို့နယ် ရဲစခန်းမှ နယ်ထိန်းအင်ချပ် ဒုရဲအုပ် မင်းမင်းစိုးဟာ အမှတ် (၁) အတွင်းမှာ ဖွင့်ထားတဲ့ ဘမ်းဘူးဟောက် စားသောက်ဆိုင် သီးသန့်ခန်းထဲတွင် အရက်သေစာ သောက်စားခဲ့ပါတယ်။
အဲဒီ အခန်းထဲမှာ မသီတာဆိုသူ မိန်းခလေးတဦးနှင့် စက်ဖွင့်သူ လူငယ်တဦးဟာ သူနဲ့အတူ ရှိနေပါတယ်။ သူတို့ နှစ်ဦးဟာ ဒုရဲအုပ် မင်းမင်းစိုးကို ဧည့်ခံနေတာပါ။ ဒုရဲအုပ်မင်းမင်းစိုး မူးလာချိန်မှာ စက်ကိုင်တဲ့ လူငယ်ကို အခန်းပြင် ထွက်ခိုင်းလိုက်ပြီး သီးသန့်ခန်းထဲမှာ မသီတာ တယောက်ပဲ နေခိုင်းပါတယ်။
ထို့နောက် ဒုရဲအုပ်မင်းမင်းစိုး ဟာ အခန်းတံခါးကို သေချာပိတ်ပြီး ကောင်မလေးကို အတင်းတွန်းလှဲ သားမယား အဖြစ် ပြုကျင့်ရန် ကြံစည်ပါတော့တယ်။ မသီတာက အတင်း ရုန်းကန်ပေမယ့် နောက်ဆုံးတွင် သားမယား ပြုကျင့်တာကို ခံလိုက်ရပါသည်။ မသီတာက သက်သေအဖြစ် အောက်ခံဘောင်းဘီကို သိမ်းဆည်းထားပြီး မန်နေဂျာ ဦးခင်မောင် ဦးကို တိုင်ခံပါတယ်။ မန်နေဂျာက ငါရှင်းပေးမယ် စိတ်အေးအေးထားပါလို့ ပြောပြီး ဆိုင်ရှင် ဦးမြကြီး၊ ဦးသိန်းဌေး၊ ဦးဌေးလွင်တို့ကို ပြောပြရာ ဆိုင်ရှင်မှ စခန်းမှူး ဦးမောင်မောင်တာနှင့် ဆွေးနွေး တိုင်ပင်ခဲ့ပါတယ်။ စခန်းမှူး ဦးမောင်မောင်တာက ဒုရဲအုပ်မင်းမင်းစိုးကို ဥပဒေအညီ အရေးယူ ဆောင်ရွက် ပေးပါမယ်လို့ ပြောခဲ့ပေမယ့် ယခုအချိန်အထိ အရေးယူခြင်း မရှိ သေးပါ။
ပေးပို့ … လွင်မြင့်
naytthit.net မှဖော်ပြပါသည် ။
No comments:
Post a Comment