မြန်မာပြည်သို့ အိန္ဒိယတိုင်းသားများ ၀င်ရောက်ရေး သဘောတူစာချုပ်

ရှေ့တန်း(၀ဲမှယာ)..ဦးဘအုန်း၊ဦးစော၊ ဆာ ဘာ့ဂ်ျပိုင်၊ ဦးဘသန်း၊ ဦးထွန်းအောင်ကျော်၊ နောက်တန်း(၀ဲမှယာ)..ဦးကျော်မင်း၊ မစ္စတာဝါနာသံ၊ မစ္စတာ ဘော့ဇ်မင်း၊ ဦးတင်ထွဋ်

အဖနိုင်ငံတော်အတွက် အနာဂတ်ကိုပါ ထိပါးလာနိုင်တဲ့ အနောက်မြောက်နယ်ခြားက မီးလျှံ များအ ကြောင်း လေ့လာတဲ့အခါ ခေတ်တိုင်းမှာ သူ့နည်းသူ့ဟန်နဲ့ ဖြေရှင်းခဲ့ကြတာကို တွေ့ရပါတယ်။

အစောဆုံးတွေ့မိတာက ၁၉၄၁ ခုနှစ်မှာပါ။ အဲဒီအချိန်က နန်းရင်းဝန်ဖြစ်တဲ့ ဂဠုန်ဦးစောဟာ အိန္ဒိယ ကိုယ်စားလှယ်တွေနဲ့ အကြေအလည်ဆွေးနွေးပြီး သဘောတူစာချုပ် ချုပ်ဆိုနိုင်ခဲ့တယ်။ မြန် မာဘက်က ကူးသန်းရောင်းဝယ်ရေးဝန်ကြီး ဦးဘသန်း၊ ဘဏ္ဍာရေးဝန်ကြီး ဦးထွန်းအောင်ကျော်၊ အလုပ်သမားဝန်ကြီး ဦးဘအုန်း၊ ၀န်ရှင်တော်မင်းကြီး ဦးတင်ထွဋ် (အိုင်စီအက်စ်) တို့ပါဝင်ပြီး အတွင်းဝန်ဦးကျော်မင်းက အတွင်းရေးမှူးတာဝန် ယူပါတယ်။ အိန္ဒိယ ဘက်ကတော့ ခေါင်းဆောင် အဖြစ် ဆာဂီရ်ဂျာရှန် ကာဘာ့ဂ်ျပိုင် (K.B.E; C.I.E)၊ မစ္စတာ ဂျီအက်စ် ဘောဇ်မင်း (C.I.E; I.C.S)၊ မစ္စတာ ဗီ ဗစ်ဇ၀ါနာသံ(I.C.S) တို့ပါဝင်ကြပါတယ်။

အိန္ဒိယကိုယ်စားလှယ်အဖွဲ့ဟာ ရန်ကုန်ကို ၁၇ ဇွန် ၁၉၄၁ မှာ ဆိုက်ရောက်လာပြီး ၁၈ ရက်မှ စတင် လို့ ဆွေးနွေးကြရာမှာ နှစ်ဦးနှစ်ဖက် တင်းမာမှုများရှိခဲ့ပြီး ၂၄ ဇွန်ထိ သဘောတူညီချက် မရ သေးပါ။ နောက်ဆုံး ၂၈ ရက်ရောက်မှသာ သဘောတူစာချုပ် ချုပ်ဆိုနိုင်ခဲ့ပြီး အိန္ဒိယကိုယ်စားလှယ် အဖွဲ့ဟာ ၂၉ ဇွန်မှာ ပြည်တော်ပြန်နိုင်ခဲ့ပါတယ်။

၁၈ ဇွန်၊ နှစ်ဖက်ကိုယ်စားလှယ်များ ပထမဆုံးတွေ့ဆုံပွဲမှာ ဂဠုန်ဦးစောပြောခဲ့တာတွေထဲက တစ်ချို့ ကို ကောက်နှုတ်ပြရရင်...

-      မြန်မာလူမျိုးသည် မြန်မာပြည်တွင်းသို့ နိုင်ငံခြားသားများ ၀င်လာခြင်းကိစ္စကို ဂရုပြုလာသည် မှာ ကြာပြီဖြစ်ကြောင်း၊

-      ယခင်က မြန်မာနိုင်ငံအောက်ပိုင်းတွင် မြေရိုင်းများပေါများ၊ လူနေနည်းပါး၊ လုပ်သားရှားပါး လျက် စက်မှုလက်မှုလုပ်ငန်းများတွင် မြန်မာလူမျိုးမဟုတ်သော လုပ်သားများစွာ လိုအပ်ပါ ကြောင်း၊

-      ယခုမူ မြေယာရှားပါးသဖြင့် ကူလီလုပ်သားအဖြစ် အသက်မွေးရသော မြန်မာလူမျိုးများစွာပင် ရှိနေပြီဖြစ်ကြောင်း၊

-      မြန်မာအချို့မှာ လယ်ယာလုပ်ငန်းတွင်၎င်း၊ စက်မှုလက်မှုလုပ်ငန်းတွင်၎င်း မြန်မာ မဟုတ်သူ များက ယှဉ်ပြိုင်လုပ်ကိုင်နေ၍ အလုပ်လက်မဲ့ဘ၀ ရောက်နေကြကြောင်း၊

-      အခြားနိုင်ငံများ၌ တွေ့ကြုံခဲ့ရပုံများကို ထောက်လျှင် ယခုအခြေအနေသို့ မြန်မာပြည်တွင် အခြားတိုင်းပြည်များမှ လာရောက်ကြသော လုပ်သားများကို စည်းကမ်းမထားပဲ အရှည်သဖြင့် ဆက်လက်ဝင်ရောက်ခွင့် မပြုနိုင်သည်မှာ ထင်ရှားပါကြောင်း၊

-      ဓမ္မတာအားဖြင့် ကိုယ်ရေးလုံခြုံမှုသာ ပဓါနဖြစ်ပါကြောင်း၊

-      မြန်မာပြည်၌ လာရောက်နေထိုင်ကြသော အိန္ဒိယတိုင်းသားတို့သည် နိုင်ငံရေး၌၎င်း၊ မြို့ပြရေး ၌၎င်း၊ မြန်မာပြည်သူပြည်သားတို့နှင့် ထပ်တူ အခွင့်ရသည်ကိုထောက်၍ မြန်မာလူမျိုးတို့သည် အိန္ဒိယမှ လာသူများအား မေတ္တာထားကြောင်း ထင်ရှားပါကြောင်း၊

-      ပြဿနာကို ဖြေရှင်းရန်မှာ မြန်မာတိုင်းရင်းသားတို့၏ အကျိုးသာမက မြန်မာပြည်သို့ လာ ရောက် နေထိုင်ကြသော အိန္ဒိယတိုင်းသားတို့၏ အကျိုးစီးပွားအတွက်လည်းဖြစ်ကြောင်း။

ဒီလိုနဲ့ပဲ ၂၈ ဇွန်မှာတော့ သဘောတူစာချုပ် ချုပ်ဆိုနိုင်ခဲ့ပါတော့တယ်၊ စာချုပ်အစအဆုံးက ရှည် လျားတာမို့ အရေးကြီးတဲ့ အချက်များကိုသာ ဖေါ်ပြရရင်ဖြင့်....

၁။ အိန္ဒိယအစိုးရထံမှ နိုင်ငံကူးလက်မှတ် မပါလျှင် မြန်မာပြည်သို့ မည်သူမျှမလာရ။ (ပုဒ်မ ၄)

၂။အိန္ဒိယအစိုးရထံမှ နိုင်ငံကူးလက်မှတ် ရစေကာမူ မြန်မာပြည်အစိုးရထံမှ ပြည်ဝင်ခွင့်အမိန့် မရလျှင် မည်သူမျှ မြန်မာပြည်သို့ လာခွင့်မရှိ၊ နေခွင့်မရ။ (ပုဒ်မ ၅)

၃။ မြန်မာပြည်သို့ လာလိုသူသည် ပြည်ဝင်မိန့်ရရန် အနည်းဆုံး ၁ ကျပ်တန် ခေါင်းကပ်၍ လျှောက်လွှာ တင်ရမည်။ (ပုဒ်မ ၁၈)

၎။ မြန်မာပြည်တွင် ရက်အကန့်အသတ်မရှိ နေလိုသူသည် မြန်မာပြည်အစိုးရသို့ ငွေ ၅၀၀ ကျပ်ပေး၍ နေထိုင်ခွင့်လက်မှတ် တောင်းခံရမည်။

၎င်း၏ မယား၊ သား၊ သမီးများမှာ တစ်ယောက်လျှင် ၂၅၀ ကျပ်ပေးရမည်။ (ပုဒ်မ ၁၅)

၅။ မြန်မာပြည်တွင် သုံးနှစ်နေရန် လာသူတစ်ဦးသည် ပြည်ဝင်ကြေး ၁၂ ကျပ်ပေးရမည့်အပြင် တစ်နှစ် လျှင် အခွန် ၅ ကျပ်လည်းဆောင်ရမည်။ (ပုဒ်မ ၁၅)

၆။ မြန်မာပြည်သို့ လာခွင့်ရသူတစ်ယောက်သည် သာမန်အားဖြင့် သုံးနှစ်ထက်ပိုမနေရ။ (ပုဒ်မ ၇/၂)

၇။ မြန်မာပြည်တွင်နေစဉ် မြန်မာတိုင်းရင်းသူတစ်ဦးနှင့် လက်ထပ်လျှင်သော်၎င်း၊ အတူ ပေါင်းသင်း လျှင်သော်၎င်း မြန်မာပြည်တွင် နေထိုင်ခွင့်လက်မှတ်ကို ဖျက်သိမ်းပြစ်လိမ့်မည်၊ ဖျက်သိမ်းသည်နှင့် တပြိုင်နက် မြန်မာပြည်တွင် ဆက်နေထိုင်ခွင့်မရ။ (ပုဒ်မ ၁၄)

၈။ မြန်မာပြည်တွင် လာရောက်နေထိုင်သူကို မြန်မာအစိုးရက ပြည်နှင်ဒဏ်ပေးသောအခါ သူ့စရိတ်နှင့် သူပြန်နိုင်ရန် မြန်မာပြည်သို့ မလာမီကပင် ပြန်စရိတ် ၂၀ ကျပ်ကို မြန်မာပြည်အစိုးရထံ ကြိုတင် သွင်းထားရမည်။ (ပုဒ်မ ၁၇)

၉။ မြန်မာပြည်အစိုးရက လူဝင်ရေးအကြံပေးအဖွဲ့တစ်ခု ဖွဲ့မပြီးမခြင်း၊ ၎င်းပြင် ထိုအဖွဲ့က မြန်မာပြည် အကျိုးအတွက် အလုပ်သမား မည်မျှလာသင့်သည်ဟု ပေးသောအကြံများကို မြန်မာအစိုးရက ဆုံး ဖြတ်မပြီးမခြင်း ၂၁ ဇူလိုင် ၁၉၄၁ မှစ၍ အိန္ဒိယပြည်မှ အလုပ်ကြမ်းသမားဟူ၍ တစုံတယောက်မျှ မြန်မာပြည်သို့မလာရ။ (ပုဒ်မ ၂၄)

၁၀။ လူဝင်ရေးဥပဒေ၊ သို့မဟုတ် မြန်မာပြည်အစိုးရက သတ်မှတ်ထားသော စည်းမျဉ်းတစုံကို ကျူး လွန်လျှင်ဖြစ်စေ၊ အထူးအခွင့်ရလိုသည်နှင့် မြန်မာပြည်အစိုးရသို့ လိမ်ပြောသည်ဖြစ်စေ ထောင်ဒဏ် ၆ လ၊ သို့မဟုတ် ဒဏ်ငွေ ၁၀၀၀ ကျပ်၊ သို့မဟုတ် ထောင်ဒဏ် ငွေဒဏ် နှစ်ရပ်စလုံး အပြစ်ပေးခြင်း ခံရမည်။ (ပုဒ်မ ၁၂)

မြန်မာ့သမိုင်းကို ရိုင်းစေခဲ့တဲ့သူတစ်ဦး ဖြစ်ပေမယ့် သူ့ခေတ် သူ့အချိန်က လုပ်ဆောင်ချက် တချို့ကို သိသာလေ့လာနိုင်ရန် တင်ပြလိုက်ရပါတယ်။

ညွှန်း -

မြန်မာနိုင်ငံတော်သို့ အိန္ဒိယ တိုင်းသားများ ၀င်ရောက်ရေး သဘောတူစာချုပ် (၂၈ ဇွန် ၁၉၄၁)

ရာဇာ Facebook